Kölgələr vadisi

1999-cu ildə Kike, Klara və balaca Lukas Şimali Hindistana birlikdə ilk tətillərinə yollanırlar. Himalay dağlarında açıq səma altında gecələyərkən naməlum şəxslər qəflətən onların düşərgəsinə hücum edir. Bu qəddar hadisədən saatlar sonra yerli bir sakin Kikenin köməyinə çatır.

Xilaskar onu dağların qoynunda yerləşən, xarici aləmdən təcrid olunmuş ucqar bir kəndə aparır. Doğma evinə qayıtmaq istəyən Kike dağlar arasında yol axtarmalı olur. Lakin geriyə addım atmaq üçün o, ilk növbədə daxilindəki qorxulara qalib gəlməlidir.

İspaniya istehsalı olan «Kölgələr vadisi» (Valle de sombras) kriminal filmi 2023-cü ildə ekranlara çıxıb. Ekran əsərinin quruluşçu rejissoru Salvador Kalvodur. Əsas rolları Migel Erran, Susanna Qomes, Aleksandra Masanqkey və Stanzin Qonbo canlandırıblar.