Dünya sənindir

Gənc oğlan fırıldaqçılıq qabiliyyətini valideynlərindən miras alıb. Onun anası Fransanın dəbdəbəli mağazalarını asanlıqla qarət edir, qumar oyunlarına aludədir və insanları məharətlə idarə edir, atası isə vaxtilə bütün Parisi lərzəyə salıb. Lakin qəhrəmanın öz arzusu tamamilə başqadır: o, qanuni bir biznes qurmaq və sevdiyi qadınla okean sahilində sakit həyat sürmək istəyir.

Bu xəyalı gerçəkləşdirmək üçün sonuncu və olduqca böyük bir maxinasiyanı həyata keçirmək lazımdır. Təkbaşına bu işin öhdəsindən gələ bilməyəcəyini anlayan gənc məcbur qalıb yenidən ata və anasının köməyinə müraciət edir.

2018-ci il istehsalı olan «Dünya sənindir» (Le monde est à toi) kriminal komediya filminin rejissoru Romen Qavrasdır. Ekran əsərində əsas rolları Vensan Kassel, Fransua Damyens, Norbert Ferrer və Mari Kulonju canlandırıblar.