Qisas

Milad bayramı ərəfəsində gənc oğlanın cəsədi su çənində aşkar edilir. Baş verənlər bədbəxt hadisə kimi qələmə verilsə də, onun əkiz qardaşı Çu Cu-u bunun qəsdən törədilmiş bir cinayət olduğuna inanır. Həqiqətin üstünü açmaq istəyən gənc dərhal araşdırmaya başlayır.

Axtarışlar Çu Cu-unu cinayətkar dəstənin izinə çıxarır. Lakin məlum olur ki, şübhəlilər artıq yetkinlik yaşına çatmayanlar üçün nəzərdə tutulmuş cəzaçəkmə müəssisəsində cəza çəkirlər. Belə olan halda o, qatillərə yaxınlaşmaq və onlardan intiqam almaq üçün bilərəkdən həbsxanaya düşməyi qarşısına məqsəd qoyur.

Cənubi Koreya istehsalı olan «Keuriseumaseu kaereol» («Qisas») filmi 2022-ci ildə ekranlara çıxıb. Rejissor Kim Son-sunun çəkdiyi bu kriminal trillerdə əsas rolları Pak Çin-yon, Kim Yon-min, Nam Ci-u və Kim Con-cin canlandırıblar.