Karmakhya

Kamakxya adlı gənc qız sığorta şirkətində çalışan rəfiqəsinin xahişi ilə onun yerinə şəhər kənarındakı müştərilərin evinə yollanır. Məqsəd sadəcə sənədləşmə üçün lazım olan məlumatları toplamaqdır. Lakin qapı arxadan bağlananda adi bir iş səfəri dəhşətli sınağa çevrilir.

Evdə qapalı qalan qəhrəman ailə üzvlərinin qorxunc və anlaşılmaz davranışları ilə üz-üzə gəlir. Məlum olur ki, bu insanlar qara magiya ilə bağlı təhlükəli ayinlər icra edir və qaranlıq keçmişlərini gizlədirlər. Oradan qaçmaq istəyi isə onun həyatını birbaşa təhlükəyə atan yeni sirləri üzə çıxarır.

2026-cı il istehsalı olan «Karmakhya» filmi kriminal triller janrındadır. Ekran əsərinin rejissorları Abhinaya Krishna və Samuthirakanidir, əsas obrazları isə Abhirami, Samaira, Gaddam Naveen və Raghava canlandırıb.