Etiraf edirəm

Katolik keşişi Maykl Loqan kilsədə qətli boynuna alan bir nəfərin etirafını dinləyir. Dini qaydalar və kilsə andı keşişə bu məxfi söhbət zamanı deyilənləri heç kimə, o cümlədən polisə açmağa imkan vermir.

Şahidlərin ifadələri isə gözlənilmədən keşişin özünü əsas şübhəli şəxsə çevirir. Təqsirsiz olduğunu sübut etmək imkanı olsa belə, Loqan özünü qorumaq xatirinə etiraf sirrini pozmaqdan qəti şəkildə imtina edir.

1953-cü ildə ABŞ-da istehsal olunmuş «I Confess» filminin rejissoru Alfred Hiçkokdur. Triller janrındakı ekran əsərində Henri Korden, Cadson Prett və Rocer Denn kimi aktyorlar rol alıb.