Serious Moonlight

Həyat yoldaşının başqa qadına aşiq olduğunu və onunla Parisə getməyə hazırlaşdığını öyrənən Luiza gözlənilməz qərar verir. Ərini evdən buraxmaq istəməyən qadın onu yapışqan lentlə bağlayaraq tərpənməz hala gətirir. Birgə keçmişləri barədə xoş xatirələri oyatmaq cəhdləri heç bir nəticə vermir, girov vəziyyətinə düşən ər isə xilas yolu axtarmağa başlayır.

Kişinin kömək çağırışlarına qazonbiçən cavab versə də, onun niyyəti heç də kömək etmək olmur. Hadisələr tamamilə fərqli istiqamətə yönəlir və evə bir dəstə soyğunçu soxulur. Beləliklə, bir-biri ilə mübahisə edən ər-arvad və qəfil peyda olan məşuqə cinayətkarların əlində girova çevrilirlər.

Kriminal və komediya janrlarını birləşdirən «Serious Moonlight» filmi 2008-ci ildə ABŞ-da istehsal olunub. Ekran əsərinin rejissoru Şeril Haynsdır. Əsas rolları Timoti Hatton, Castin Lonq, Endi Ostroy və Kilan Ceyms ifa ediblər.