Little Lorraine

«Little Lorraine» filmi 1980-ci illərdə Keyp-Breton adasındakı balaca bir sahil kəndində baş verən hadisələri əks etdirir. Yerli kömür mədənində baş verən ölümcül partlayışdan sonra kənd sakinləri, o cümlədən ailəcanlı Cimmi işini və gəlir mənbəyini itirir. Çətin günlər keçirən fəhlələrin köməyinə Cimminin qəfil peyda olan əmisi Hyui gəlir.

Hyui qazancsız qalan mədənçilərə öz gəmisində dəniz xərçəngi ovu adı altında yaxşı qazanc vəd edən iş təklif edir. Çarəsizlikdən bu təkliflə razılaşan Cimmi və yoldaşları çox keçmədən başqa bir işə cəlb olunduqlarını anlayırlar. Onlar əslində tabutlarda gizlədilmiş böyük həcmdə kokain qaçaqmalçılığı ilə məşğul olmalı olurlar.

Kanada istehsalı olan bu kriminal dram filmi rejissor Endrü Hayns tərəfindən çəkilib. 2025-ci ildə ekranlara çıxan ekran əsərində baş rolları Bentli Mitçell, Adam Bolduin, Qoldi Butilye və Piter Makinnis canlandırır.