Lozerdə qətl

Larzac yaylasındakı mağaralardan birində yerli və nüfuzlu fermerin cansız bədəni tapılır. Qurban ürəyinə vurulan bıçaq zərbəsi nəticəsində həyatını itirib. Şübhələr dərhal fermerlə münasibətləri gərgin olan və bu yaxınlarda onunla hamının gözü qarşısında mübahisə edən gənc çoban Jülyen Kazana yönəlir.

Cinayət alətinin üzərində tapılan barmaq izləri birbaşa gənci göstərir. Lakin şahid ifadəsi ilə təsdiqlənən alibiyə malik olan çoban hadisə vaxtı başqa yerdə olduğunu bildirir. Qətlin üstünü açmaq üçün ziddiyyətli faktların və dəlillərin əsl mahiyyəti araşdırılmalıdır.

2014-cü ildə Fransada istehsal olunmuş «Crime en Lozère» filminin rejissoru Klod-Mişel Romdur. Ekran əsərində baş rolları Florans Pernel, Didye Pen, Kristian Linares və Vensan Vinteralter canlandırıb.