Başdan atəş

Növbəti tapşırığı yerinə yetirərkən muzdlu qatil başından güllə yarası alır. O, sağ qalmağı bacarsa da, beynin zədələnməsi qəribə fəsadla nəticələnir: qəhrəman ətraf aləmi yalnız başıaşağı görməyə başlayır.

«Başdan atəş» (Headshot) filminin böyük bir hissəsi həmin hadisəyə gətirib çıxaran keçmişi əks etdirir. Əhvalat personajın yeddi illik həyat yolundan bəhs edir; o, əvvəllər narkotiklərlə mübarizə şöbəsində dürüst polis kimi çalışsa da, sistemə qarşı çıxaraq xəyanətə uğrayıb və üç il həbsdə yatıb. Azadlığa çıxdıqdan sonra isə cinayətkarlığa qarşı gizli fəaliyyət göstərən nitşeçi qruplaşmada qatilə çevrilib.

Fransa və Taylandın birgə istehsalı olan bu kriminal dram və trilleri Pen-Ek Ratanaruang çəkib. 2011-ci il ekran əsərində əsas rolları Nopachai Jayanama, Joey Boy, Kiat Punpiputt və Sirin Horwang canlandırıblar.