Pis uşaqların simfoniyası

Tayvanda yerləşən yetkinlik yaşına çatmayanlar üçün cəzaçəkmə müəssisəsində gərginlik səngimək bilmir. Qruplaşmalar arasındakı amansız davalar səngimədikdə rəhbərlik klassik musiqi vasitəsilə yeni tərbiyə proqramı başlatmaq qərarına gəlir. Müəssisədən dəfələrlə qaçmağa cəhd etmiş üsyankar Ley Yuyvey isə orkestrə sırf şərti azadlığa tez çıxmaq ümidi ilə qoşulur.

Not savadı olmayan bu çətin xarakterli gənclərə dərs demək yeni təyin olunmuş musiqi müəlliməsinə həvalə edilir. Aralarındakı ədavəti kənara qoya bilməyən gənclər məşqlərdə belə toqquşmağa davam edir. Müəllimə isə onları musiqi yarışmasına hazırlamaq üçün bütün intizamsızlığa baxmayaraq bir komanda halına gətirməyə çalışır.

«Pis uşaqların simfoniyası» (Le yu) adlı musiqili dram filmi 2018-ci ildə Tayvanda istehsal olunub. Ekran əsərinin rejissoru Çarlz Sundur. Baş rolları Nelson Şen, Stefani Syao, Sun Şautszin və Kliff Ço canlandırıb.