Qutudakı qız

1977-ci ilin mayında dostunun ad gününə yollanan iyirmi yaşlı Kolin Sten yolda maşın saxlamağa çalışırdı. Bu səfər onun üçün faciəyə çevrildi: gənc qız Kameron və Cenis Huker adlı ər-arvad tərəfindən qaçırıldı. Növbəti yeddi ili o, əsirlikdə keçirməyə məcbur oldu.

Kameron Kolini öz köləsinə çevirərək ona ardıcıl işgəncələr verirdi. Qız döyülür və ər-arvadın çarpayısının altında yerləşən dar taxta qutuda yatmağa məcbur edilirdi. Qaçış cəhdlərinin qarşısını almaq üçün Huker qurbanını «Şirkət» adlı gizli təşkilatla qorxudur, qaçacağı təqdirdə ailəsinin məhv ediləcəyini bildirirdi.

Kanada istehsalı olan «Qutudakı qız» («Girl in the Box») filmi rejissor Stiven Kemp tərəfindən 2016-cı ildə çəkilib. Kriminal dram janrındakı layihənin baş rollarında Şilin Paton, Rob Harts, Sisko Saavedra və Şon Rayan MakBrayd çıxış edirlər.