İctimaiyyət düşməni

1909-cu ildə Çikaqonun Saut-Sayd məhəllələrində böyüyən iki irlandəsilli yeniyetmə Tom və Mett oğurluq malları alan bir şəxsdən cinayət dünyasının ilk dərslərini alırlar. Yaşa dolduqdan sonra onların əməlləri daha da ciddiləşir və törədilən soyğunların biri zamanı polis əməkdaşı öldürülür.

Qadağa dövründə qanunsuz spirtli içki ticarətinə qoşulan dostlar tezliklə böyük pullar qazanırlar. Onlar Memi və Kitti adlı sevgililəri ilə birlikdə dəbdəbəli mənzillərə köçürlər. Xüsusi qəddarlığı ilə seçilən Tom yeraltı aləmin pillələrini daha sürətlə dırmaşır. Can almaq onlar üçün o qədər adiləşir ki, hətta bir atı belə güllələyirlər, lakin etdikləri əməllərin cəzasını çəkməli olurlar.

ABŞ istehsalı olan bu kriminal dram filmi rejissor Uilyam Uellmen tərəfindən 1931-ci ildə çəkilib. Ekran əsərində əsas rolları Ceyms Keqni, Coan Blondell, Cin Harlou və Co Soyer canlandırıblar.