Unidentified

Səhranın qumluqlarında üzərində heç bir sənədi olmayan yeniyetmə qızın meyiti aşkarlanır. Heç kim onu axtarmır və naməlum qurbanın şəxsiyyətini müəyyənləşdirmək mümkün olmur. Yerli polis şöbəsində köhnə sənədlərin rəqəmsallaşdırılması ilə məşğul olan 29 yaşlı Naval bu ərəfədə boşanma çətinlikləri yaşayır və kriminal hadisələrin araşdırılmasına böyük maraq göstərir.

Polis əməkdaşları işi tələsik bağlayaraq cəsədi adsız məzarlıqda basdırmağa hazırlaşdıqda, gənc qadın vəziyyətlə barışmır. O, şəxsi təşəbbüsü ilə hadisəni araşdırmağa, detallara diqqət yetirərək və daxili duyğularına arxalanaraq qızın kimliyini və qətlin səbəblərini üzə çıxarmağa çalışır.

Səudiyyə Ərəbistanı istehsalı olan «Unidentified» filmi 2025-ci ildə nümayiş olunub və kriminal triller janrındadır. Ekran əsərinin rejissoru Hayfa əl-Mənsurdur, baş rolları isə Mila Əl Zəhrani, Şafi Əl Harsi və Abdullah Əl-Qəhtani canlandırıb.