LifeHack

Dörd yeniyetmə haker vaxtlarını internet fırıldaqçılarını ifşa etməklə və virtual zarafatlarla keçirirlər. Daha böyük miqyaslı bir iş görmək istəyən gənclər texnologiya maqnatı Don Herdə məxsus milyonlarla dollarlıq kriptovalyuta hesabını hədəf seçirlər.

Onlar milyarderin qızı Lindsinin sosial şəbəkə hesablarından istifadə edərək rəqəmsal pul kisəsini sındırırlar. Dostlar əməliyyatın uğurla bitdiyini zənn etsələr də, qısa müddət sonra Lindsi onların izinə düşür. Qız kompüter ekranı vasitəsilə onlarla əlaqə qurur, kəskin tələblər irəli sürür və yeniyetmələri təhlükəli bir prosesin içinə çəkir.

«LifeHack» filmi 2025-ci ildə ABŞ və Böyük Britaniyanın birgə istehsalı kimi ekranlara çıxıb. Triller və kriminal janrlarında çəkilən filmin rejissoru Ronan Korriqəndir, baş rollarda isə Ceyms Şolts, Zac Hemid, Richard Hill və Boo Holmes çəkiliblər.