Uşaq

İyirmi yaşlı Bruno küçələrdə xırda oğurluqlarla məşğul olur, gənc sevgilisi Sonya isə yenicə dünyaya gəlmiş oğlu Cimmilə maraqlanır. Onlar qızın aldığı cüzi müavinət və oğlanın təsadüfi qazancları hesabına güclə dolanırlar. Körpənin qayğısına qalmaq üçün vəsait çatışmazlığı gənc ailənin həyatını gündən-günə çətinləşdirir.

Məsuliyyətsiz davranan və yalnız asan gəlir axtaran Bruno yoxsulluğa birdəfəlik son qoymaq qərarına gəlir. O, bu vəziyyətdən çıxış yolu kimi dəhşətli bir sövdələşməyə imza atır. Atanın bu gözlənilməz hərəkəti gənclərin həyatını tamamilə alt-üst edir.

«Uşaq» (L'enfant) filminin quruluşçu rejissorları Jan-Pyer Darden və Lük Dardendir. 2005-ci il Fransa və Belçika istehsalı olan bu dram filmində baş rolları Jeremi Renye, Debora Fransua, Ceremi Seqard və Fabritsio Roncone canlandırıblar.