Ağ dumanda itkin düşənlər

Çinin şimal-şərqində yerləşən ucqar bir kənddə donmuş çayın buzları altından iki meyit tapılır. Yerli polis Zhou Penq bu işin araşdırmasına başlayır və həmin şəxslərin suya öz iradələri ilə düşmədikləri məlum olur. Çox keçmədən bu soyuq bölgəyə Şanxaydan başqa bir xəfiyyə də gəlir.

Polis Van Hao itkin düşmüş bir şəxsi axtarır. İtən adam sonuncu dəfə həyat yoldaşına məhz bu kəndin yaxınlığındakı şəhərdən zəng edib. Çox keçmir ki, çaydakı qətllərlə həmin itkin hadisəsi arasında qırılmaz bir bağ olduğu üzə çıxır və hər iki polis qüvvələrini birləşdirir.

2016-cı il istehsalı olan «Bing he zhui xiong» filminin rejissoru Syuy Veydir. Kriminal dram janrındakı ekran əsərində baş rolları Toni Lyun Ka-Fay, Vijen Vey, Den Tsyatszya və Çjou Dunyuy canlandırıb.