İcazə Verilən Həddin Arxasında

Əyalətdən gələn dörd gənc qazanc əldə etmək ümidi ilə paytaxta yollanır. Şəhərə gəldikləri ilk gündə çinli bir fahişə onları aldadır və bu təsadüfi hadisə dostları yerli triadanın sıralarına aparıb çıxarır. Məşuqələrinə nağıl danışdırmağı sevən qəddar cinayətkar rəhbər gəncləri küçələrdə qanunsuz alverlə məşğul olmağa məcbur edir.

Təzə iş uşaqlara rahat həyat gətirmir və problemlər getdikcə çoxalır. Çıxış yolunu Braziliyaya qaçmaqda görən gənclər ölkədən gizli getmək üçün çoxlu pula ehtiyac duyurlar. Tələb olunan məbləği toplamaq üçün onlar öz rəislərini qarət etməyə cəsarət edirlər.

Yaponiya istehsalı olan bu dramatik triller 1999-cu ildə rejissor Takashi Miike tərəfindən lentə alınıb. «Black Triad trilogy» silsiləsinə aid olan filmdə baş rolları Naoto Takenaka, Ren Osugi, Manzo Shinra və Kazuki Kitamura canlandırırlar.