Böyük oyun

Şunsuke Sakuma ancaq nəhəng layihələrlə məşğul olan bacarıqlı və iddialı reklam meneceridir. O, qazandığı vəsaiti rahatlıqla xərcləməyi sevir və işində məğlubiyyət tanımır. Lakin tərəfdaş şirkətin yeni vitse-prezidenti Katsuraqi gözlənilmədən onun təqdimatını rədd edir, əməkdaşlığa son qoyur və işi rəqibinə tapşırır.

Bu gözlənilməz zərbədən sonra kədərə qapılan Sakuma axşam saatlarında Katsuraqinin evinin yaxınlığına gəlir. Həmin vaxt o, vitse-prezidentin hasardan aşıb qaçan qızını görür. Qızın ardınca getmək qərarına gələn kişi bu təqibin hansı təhlükəli oyuna çevriləcəyini hələ təxmin etmir.

2003-cü ildə çəkilmiş «Böyük oyun» (G@me) Yaponiya istehsalı olan kriminal trillerdir. Ekran əsərinin rejissoru Satoşi İsaka, baş rolların ifaçıları isə Yasuhito Şimao, Ryo İşibaşi, Ryudo Uzaki və Yukie Nakamadır.