Mənim gizli xəzinəm

Uşaqlıqdan bəri kağız pulları saymağı çox sevən Sakiko kolleci bitirən kimi bankda işə düzəlir. Bol nağd pulun əhatəsində günlərini sevinclə keçirən gənc qız gözlənilməz qarətin qurbanına çevrilərək girov götürülür. Təqib zamanı cinayətkarın idarə etdiyi avtomobil meşəyə girib aşır və partlayır. Qarətçi həlak olur, sağ qalan Sakiko isə qəzanın təsirindən yaddaşını tamam itirir.

Bir müddət sonra qız xəbərlərdən öyrənir ki, oğurlanmış beş yüz milyon yen tapılmayıb və maşında yanıb kül olduğu güman edilir. Həmin an Sakikonun yaddaşı qayıdır: o, pulla dolu çamadanın zərbə vaxtı maşından kənara uçduğunu xatırlayır. Beləliklə, o, meşədə qalan sərvəti təkbaşına tapıb varlanmaq qərarına gəlir, lakin bu plan gözlənilməz çətinliklərlə qarşılaşır.

«Himitsu no hanazono» adlı bu yapon kriminallı komediya filmi rejissor Shinobu Yaguchi tərəfindən çəkilib. Ekran işi 1997-ci ildə nümayiş olunub. Baş rollarda Go Riju, Taketoshi Naito, Shinobu Tsuruta və Yoji Tanaka çıxış edirlər.