Ağrı etirafları

Təcrübəli detektiv Hey zəngin qayınatasının öz malikanəsində vəhşicəsinə qətlə yetirilməsindən sonra böyük sarsıntı keçirir. Hadisənin üstünü açmaq üçün o, vaxtilə birlikdə çalışdığı, indi isə xüsusi xəfiyyəlik edən Bonu köməyə çağırır. Əvvəlcə hər şey adi qisas kimi görünsə də, tərəfdaşlar tezliklə bütün izləri və şahidləri yox edən amansız bir cinayətkarla üz-üzə qaldıqlarını anlayırlar.

Bon sevgilisinin intihar etməsi ilə bağlı kədərini unuda bilməsə də, peşəkar işindən geri çəkilmir. Şübhələr və dəlillər Heyin həyat yoldaşı Süzana yönəlir, lakin az sonra qadın da qətlə yetirilir. Bon axtardıqları qatilin onların ən yaxın ətrafından biri olduğuna əmin olur.

«Ağrı etirafları» (Seung sing) trilleri 2006-cı ildə rejissorlar Alan Mak və Endrü Lau tərəfindən ekranlaşdırılıb. Honkonq, Çin və Yaponiya istehsalı olan bu dramatik filmdə əsas rolları Tobi Vonq, Tobi Lyun, Ben Yuen və Ken Linq canlandırıblar.