Çin məhəlləsi

İl-yon doğma anasını heç vaxt görməyib, çünki körpə ikən metro stansiyasındakı saxlama kamerasında tərk edilib. Onu yerli Çin məhəlləsinə nəzarət edən cinayətkar qruplaşmanın rəhbəri, hər kəsin «Ana» adlandırdığı qadın böyüdüb. Qız bütün uşaqlığını bu qaranlıq mühitin içində keçirib.

İllər keçdikcə böyüyən İl-yon tədricən mafiya başçısının ən sadiq icraçısına çevrilir. O, övladlığa götürən qadının verdiyi hər bir tapşırığı sorğu-sualsız yerinə yetirir. Lakin bu təhlükəli həyat tərzi onu amansız qanunlarla üz-üzə qoyur.

«Çin məhəlləsi» (Chainataun) adlı cinayət dramı 2015-ci ildə Cənubi Koreyada lentə alınıb. Filmin rejissoru Han Cun-hidir, əsas rolları isə Yu Ci-hyon, Pek Su-can, O De-hvan və Om Te-qu canlandırıb.