Rennstayqda ölüm - Ölülər evi

Türingiya meşəliyində sübh tezdən açılan dörd atəş səsi yerli sakinlərin dincliyini pozur. Qara geyimli naməlum şəxs italyan restoranından tələsik çıxaraq motosikletlə dumanlı meşəyə tərəf qaçır və gözdən itir. Hadisə yerinə gələn Erfurt kriminal polisinin əməkdaşları — profayler Yan Kaviq və psixoloq Annett Şuster dəhşətli mənzərə ilə üzləşirlər. Restoran sahibləri olan Sardini cütlüyü və daha iki nəfər amansızcasına qətlə yetirilib. Hücumdan yalnız sahiblərin on altı yaşlı qızı Rebekka sağ çıxır, lakin qorxu içində olan yeniyetmə heç nə xatırlamır.

Əməliyyat-təhlil qrupunun üzvləri qətlin arxasında dayanan səbəbləri anlamağa çalışarkən mafiya ilə şübhəli əlaqələrin izinə düşürlər. Həqiqətə yaxınlaşdıqca ailənin keçmişindəki qaranlıq məqamlar bir-bir üzə çıxır. Müstəntiqlər həm yaddaşını itirmiş yeganə şahidin sirrini çözməli, həm də soyuqqanlı qatilin izinə düşməlidirlər.

Almaniya istehsalı olan «Tod Am Rennsteig - Haus der Toten» kriminal dram filmi 2025-ci ildə ekranlara çıxıb. Rejissor kürsüsündə Karolina Hellsyard əyləşib, əsas rolları isə Uwe Preuss, Ugur Kaya, Qreqori B. Valdis və Anna-Katrin Qummiç canlandırıb.