Neol gidarimyeo

Hi-cu yeddi yaşında olarkən detektiv işləyən atasını itirir. Qanun keşikçisi silsilə qətllər törədən cinayətkarın izinə düşsə də, məhkəmə zamanı caninin yalnız bir qətli sübuta yetirilir və o, on beş il müddətinə həbs cəzasına məhkum edilir.

On beş illik cəza müddəti başa çatdıqdan sonra qatil nəhayət azadlığa buraxılır. Lakin azadlıqda onu rahat həyat gözləmir: onun azad olunmasını səbirsizliklə gözləyən digər bir detektiv dərhal keçmiş məhbusu addım-addım izləməyə başlayır. Eyni zamanda atasının intiqamını unutmayan gənc qız da bu an üçün öz hazırlığını görüb.

2016-cı ildə ekranlara çıxan «Neol gidarimyeo» filmi Cənubi Koreya istehsalı olan kriminal trillerdir. Rejissoru Mo Hon-cin olan filmin əsas rollarında Kim Don-hyok, Li Ce-in, O Ce-qyun və Yun Ce-mun çəkiliblər.