Cut

Gənc rejissor Şuci heç bir kompromisə getmir və mövcud cəmiyyətə uyğunlaşmaqda çətinlik çəkir. Çəkdiyi filmləri maliyyələşdirmək üçün ona sələmçi qardaşı kömək edirdi. Lakin qardaşı yakudzaya böyük məbləğdə borclu qalır və cinayətkarlar onu aradan götürürlər. Bütün borc öhdəliyi isə birbaşa Şucinin üzərinə yüklənir.

«Cut» filminin qəhrəmanı cinayətkarlara olan borcu ödəmək üçün amansız bir yola əl atır. O, quldurlara özünü döyməyə icazə verir və hər zərbə zamanı dünya kinosunun şah əsərlərinin və böyük rejissorların adlarını qışqırır.

Kriminal dram 2011-ci ildə ABŞ, Yaponiya, Fransa, Cənubi Koreya və Türkiyə kinematoqrafçılarının birgə əməyi ilə ərsəyə gəlib. Layihənin rejissoru Əmir Naderidir. Baş rollarda Hidetoshi Nishijima, Junichi Hayakawa, Hatsuo Ito və Wataru Sukegawa çəkiliblər.