Qəribə sirk

Məktəb direktoru hər gün radio vasitəsilə uşaqlara olan sevgidən bəhs edir, lakin doğma evində on iki yaşlı qızı Mitsukoya qarşı zorakılıq törədir. Qızın anası isə baş verənlərə göz yumur və zamanla ərini öz övladına qısqanmağa başlayır. Ailədəki dəhşətli ab-hava faciə ilə nəticələnir və Mitsuko anası ilə şəxsiyyətlərini dəyişdiyinə inanmağa başlayır.

Bu hadisələri əlil arabasına məhkum olmuş Taeko adlı məşhur yazıçı qələmə alır. Qadının keçmişi haqqında heç kimin məlumatı yoxdur və onun əlilliyi sadəcə uydurduğu barədə şayiələr gəzir. Müəllifin yazdığı mətnlə onun gizli reallığı arasındakı sərhədlər getdikcə silinir.

«Qəribə sirk» (Kimyo na sakasu) filmi 2005-ci ildə Yaponiyada istehsal olunub. Triller janrında çəkilmiş ekran əsərinin rejissoru Sion Sonodur, əsas rolları Kenichiro Okada, Rie Kuwana, Madam Regine və Yasuomi Ota canlandırıb.