Kollec

Nyu-Yorkun elit «Hyuit» kollecində oxuyan Kət Storm zəngin tələbələrin əhatəsinə daxil olmaq istəyir, lakin həmin gənclər yad insanları yaxına buraxmırlar. Qızın həyatı kollecin ən populyar və iddialı gənci Uilyama olan sevgisinin qarşılıq tapması ilə dəyişir. Kət özünü xəyallarındakı münasibətin içində taparaq bu qapalı cəmiyyətin bir parçasına çevrildiyini düşünür.

Lakin arzulanan status uzun çəkmir və yaxın çevrə qəfil qərarlarla Kəti aralarından uzaqlaşdırır. Münasibətlərin niyə belə kəskin dəyişdiyini anlamağa çalışan gənc qız yeni dostları haqqında gözlənilməz faktlarla üzləşir. Eyni zamanda o, Uilyamı əslində heç tanımadığının fərqinə varır.

«Kollec» (Tart) filmi rejissor Kristina Ueyn tərəfindən çəkilib. ABŞ və Kanada istehsalı olan bu cinayət dramı 2001-ci ildə ekranlara çıxıb. Əsas rolları Mişa Barton, Konrad Berqşneyder, Devid Makkey və Marşa Bennett paylaşıblar.