Panika

Aleksin ailəsi muzdlu qətllər üzərində gəlirli bir fəaliyyət qurub. Bu sahə hər zaman yüksək qazanc gətirsə də, vaxt keçdikcə Aleks bu işdən dərindən yorulmağa başlayır. İnsanları öldürməkdən təngə gələn baş qəhrəman nəhayət bu peşə ilə birdəfəlik vidalaşmaq qərarına gəlir.

Lakin ailənin təhlükəli sahəsindən uzaqlaşmaq o qədər də asan olmur. Bütün ömrünü bu işə həsr etmiş atası oğlunun gedişi ilə barışmaq fikrində deyil. O, illər boyu qurduğu işini qorumaq üçün yaranmış problemi nəyin bahasına olursa-olsun aradan qaldırmağa hazırdır.

Komediya çalarlarına malik «Panika» kriminal dram filmi rejissor Henri Bromell tərəfindən çəkilib. 2000-ci il ABŞ istehsalı olan bu ekran əsərində baş rolları Uilyam H. Meysi, Donald Sazerlend, Con Ritter və Qreq Pitts canlandırıb.