Kamikadze

Televiziya aparıcıları canlı yayım zamanı kameralar qarşısında müəmmalı şəkildə həyatlarını itirirlər. Məlum olur ki, naməlum bir qatil öz evindəki televizor vasitəsilə ekrandakı insanları hədəf alaraq öldürmək üsulu tapıb.

Polis müfəttişi Pasko bu qeyri-adi cinayətlərin izinə düşür. O, təhlükəli cinayətkarın kimliyini müəyyənləşdirmək və televiziya işçilərinə qarşı yönəlmiş bu texnoloji təhlükənin qarşısını almaq üçün təhqiqat aparır.

«Kamikaze» bədii filmi 1986-cı ildə Fransada çəkilib. Rejissor Didye Qrusenin kriminal və fantastik triller janrında lentə aldığı ekran əsərində Jan-Filipp Şatriye, Dominik Lavanan, Yannik Eveli və Jan-Pol Müel rol alıb.