Tonik

İstedadlı caz pianoçusu Sebastian Po zərərli vərdişləri üzündən karyerasını itirərək barlarda kiçik qonorarlarla dolanır. Maddi vəziyyəti pisləşən musiqiçi rüşvətxor bir polis əməkdaşına böyük məbləğdə borclanır.

Pulu geri qaytarmaq imkanı olmayan Sebastiana təhlükəli bir təklif irəli sürülür. Şərtə görə, borcun silinməsi üçün o, sübh açılana qədər göstərilən şəxsi aradan qaldırmalıdır. Çıxılmaz vəziyyətdə qalan musiqiçi gecənin cinayətkar aləminə daxil olmaq məcburiyyətində qalır.

ABŞ istehsalı olan «Tonic» filmi cinayət və dram janrlarında çəkilib. Ekran əsərinin rejissoru Derek Preslidir, rollarda isə Ed Vestvik, Kit Duqlas, Riçard Rili və Henri Penzi çıxış edirlər.