Hiyləgər oğru

Təcrübəli soyğunçu Mekin üçün adi görünən növbəti sifariş gözlənilməz fəsadlarla nəticələnir. Şübhəli şəxslərin tapşırığı iki rüşvətxor polisin ölümü ilə bitir və cinayətkarlar bütün günahı işi icra edən Mekinin üzərinə atırlar.

Onu tələyə salanlardan qisas almaq qərarına gələn qəhrəman qoca iti ilə birlikdə xainlərin izinə düşür. Lakin Mekin hələ bilmir ki, hiyləgər oğruları yaxalamaqda mahir olan təcrübəli detektiv Petroun artıq onun izinə düşüb və addım-addım yaxınlaşır.

ABŞ istehsalı olan «Hiyləgər oğru» (Thick as Thieves) cinayət dramını rejissor Skott Sanders ərsəyə gətirib. 1998-ci ildə ekranlara çıxan bu filmdə baş rolları Alek Bolduin, Cek Makqi, Erik Anderson və Mark Adeyr-Rios canlandırıblar.