Muzdlu qatilin gündəliyi

Dekker adlı muzdlu qatil gündəlik həyatında mehriban və qayğıkeş biri kimi tanınır. O, uşaqları sevir, qonşuları ilə yaxşı yola gedir və heç kimi nahaq yerə incitmir. Adam öldürmək isə onun üçün sadəcə qazanc mənbəyidir.

Bir gün Zeyn adlı xoşagəlməz bir sifarişçi Dekkərə öz həyat yoldaşını və körpə uşağını aradan qaldırmağı tapşırır. Bu tapşırığı qəbul edərək işə başlayan qatilin həyatı tamamilə başqa bir məcraya yönəlir.

ABŞ istehsalı olan «Diary of a Hitman» filmi 1991-ci ildə ekranlara çıxıb. Kriminal dramın rejissoru Roy London, baş rol ifaçıları isə Lüis Smit, Brenda Karrin, Ceyk Dencel və Ueyn Krouforddur.