Shooting Fish

Uşaq evində böyüyən Cez və Dilan adlı iki yaxın dostun böyük bir arzusu var. Onlar özləri kimi kimsəsizlər üçün geniş bir malikanə almaq məqsədilə bir milyon dollar toplamaq istəyirlər. Qanuni yolla bu qədər vəsaiti əldə etmək çətin olduğundan, yoldaşlar müxtəlif fırıldaqlara əl atırlar.

Xırda maxinasiyaların ləng irəlilədiyini görən qəhrəmanlar böyük məbləğlərin dövr etdiyi at yarışlarına üz tuturlar. Dostlar halal zəhmətlə dolanan sadə insanları aldatmaq niyyətində deyillər. Onların bütün planları varlı şəxslərin tamahkarlığı üzərində qurulur.

«Shooting Fish» adlı Britaniya istehsalı olan kriminal komediya və melodram filmini rejissor Stefan Şvarts ərsəyə gətirib. Ekran işi 1997-ci ildə işıq üzü görüb. Əsas rollarda Den Futterman, Stüart Taunsend, Riçard Holms və Nil Peplou çəkiliblər.