Yeni uşaqlar

Valideynləri avtomobil qəzasında həlak olduqdan sonra Loren və Ebbi MakUilyams tək qalırlar. Çətin günlərdə onlara əmiləri Martin və xalaları Fey sahib çıxaraq uşaqları öz yanlarına aparırlar. Bacı-qardaş yerli məktəbə yazılır, ev işlərində qohumlarına kömək edir, həmçinin ailəyə məxsus yanacaqdoldurma məntəqəsi və əyləncə parkının işlərində yardımçı olurlar.

Həyat qaydasına düşməyə başlayanda məktəbdə gözlənilməz təhlükə yaranır. Təhsil ocağında Eddi Dutranın başçılıq etdiyi gənc dəstə hökmranlıq edir. Bu qrup təkcə yeni gələnləri deyil, onların himayədarlarının evini də hədəfə alaraq qorxutmağa başlayır. Təzyiqlərə dözmək məcburiyyətində qalan yeniyetmələr atalarının onlara vaxtilə öyrətdiyi qaydaları xatırlamalı olurlar.

1985-ci ildə ABŞ-da çəkilmiş «The New Kids» filmi kriminal triller və dəhşət janrlarını birləşdirir. Ekran əsərinin quruluşçu rejissoru Şon S. Kanninqemdir. Baş rolları John D. LeMay, İlze Erl, Fred Bux və Donni Ker canlandırıblar.