Ürəkdəki soyuqluq

Peşəkar olmayan iki nəfər zərgərlik mağazasını soyaraq 250 min dollar dəyərində brilyant ələ keçirir. Lakin bu basqın qansız ötüşmür və arxada üç meyit qalır. Hadisə yerindən qaçarkən Cud qəfildən maşının qapısını bağlayıb şəriki Nedi orada tək qoyur.

Polis tərəfindən həbs edilən Ned tezliklə dustaqlıqdan qaçmağın yolunu tapır. Azadlığa çıxan andan etibarən onun yeganə məqsədi onu satan Cudu tapmaq və qisas almaq olur.

ABŞ istehsalı olan «Cold Around the Heart» filmi 1997-ci ildə nümayiş olunub. Con Ridlinin rejissorluq etdiyi bu kriminal trillerdə rolları Bill Roxas, Con Spenser, Kirk Balts və Cennifer Costin canlandırıb.