İnsanların necə yıxıldığına bax

Simon ömrünün son dövrlərini sönük və maraqsız keçirən yaşlı bir adamdır. Lakin polisdə çalışan yeganə dostu Mikki naməlum şəxslərin hücumuna məruz qalıb komaya düşəndə hər şey dəyişir. Yoldaşının qisasını almaq istəyən Simon evini və işini arxada qoyaraq günahkarların izinə düşür.

Eyni zamanda hadisələr tamaşaçını iki il geriyə aparır. Burada təcrübəli fırıldaqçı və qumarbaz Marks təmizqəlbli, lakin bir qədər sadəlövh Conni adlı gənci qanadları altına alır. Yaşlı cinayətkar bu sadiq gəncə küçə qaydalarını və qanundankənar işlərin sirlərini öyrətməyə başlayır.

«İnsanların necə yıxıldığına bax» (Regarde les hommes tomber) filmi 1994-cü ildə Fransada istehsal olunub. Kriminal dramın rejissoru Jak Odiardır, əsas obrazları isə Jan Yann, Mark Kitti, Kristin Paskal və Filipp dü Janeran canlandırıb.