I mitici - Colpo gobbo a Milano

İki qardaş tamamilə fərqli həyat yolları seçib. Fabio hər zaman dürüst zəhməti ilə dolanmağa çalışsa da, Culio fasiləsiz cinayətlər törədən və həbsxanadan cəmi bir neçə günlük azadlığa çıxan qatı dələduzdur. Culio növbəti dəfə dəmir barmaqlıqlar arxasına düşərkən yalnız bir şeyə təəssüflənir: o, Milanın ən zəngin zərgərlik mağazasını qarət etməyə macal tapmayıb.

İşini itirən Fabio çarəsiz qalaraq həbsxanadakı qardaşının yanına yollanır və həmin planın təfərrüatlarını öyrənmək qərarına gəlir. Dostunu da yanına alan keçmiş dürüst işçi bəxtini oğurluqda sınamaq üçün Milana yola düşür. Burada onları həm rəqiblər, həm yeni tərəfdaşlar, həm də gözlənilməz sevgi macərası gözləyir.

1994-cü il istehsalı olan «I mitici - Colpo gobbo a Milano» komediya filminin rejissoru Karlo Vantsinadır. Ekran əsərində əsas rolları Paolo Baroni, Canna Paola Skaffidi, Toni Sperandeo və Mirella Falko canlandırıb.