Cinayət zonası

Li və Roy İqan qardaşları Palm-Sprinqsdə yerləşən zərgərlik mağazasını qarət etmək qərarına gəlirlər. Mürəkkəb planı həyata keçirmək üçün daha iki nəfəri işə cəlb edirlər. Dəstəyə soyuqqanlı Xorxe Montana və heç nədən çəkinməyən Skip Koviç qoşulur.

Cinayətkarlar hər bir detalı nəzərə alsalar da, əsas təhlükə gözləmədikləri yerdən gəlir. Qənimətin əldə olunmasından sonra iştirakçıların amansızlığı və hərisliyi üzə çıxır. Ortaqlardan birinin xəyanəti və qəddarlığı planı tamamilə alt-üst edərək hər kəsi təhlükə ilə üz-üzə qoyur.

ABŞ istehsalı olan «Cinayət zonası» (City of Industry) filmini rejissor Con İrvin çəkib. 1997-ci ildə ekranlara çıxan kriminal trillerdə əsas rolları Timoti Hatton, Stiven Dorff, Brayan Brofi və Tamara Kletterbak canlandırıblar.