Ulduzlu palata

Hakim Stiven Hardin ağır bir peşə sınağı ilə üzləşir. Polisin şübhəlini saxlayarkən yol verdiyi xəta səbəbindən o, səkkiz yaşlı uşağı öldürmüş cinayətkarı azadlığa buraxmaq məcburiyyətində qalır. Belə halların təkrar olunması ədalət sisteminə olan inamı sarsıdır.

Hardinin yaşadığı sarsıntını görən həmkarı Ben Kofild ona çıxış yolu təklif edir. O, Stiveni digər hakimlərin də yer aldığı məxfi təşkilata dəvət edir. Bu qapalı cəmiyyətin əsas məqsədi rəsmi hüquq sisteminin boşluqlarından yayınan cinayətkarları öz qüvvələri ilə cəzalandırmaqdır.

«Ulduzlu palata» filmi 1983-cü ildə rejissor Piter Hayams tərəfindən ABŞ-da çəkilib. Kriminal dramın baş rolunu Maykl Duqlas canlandırıb, digər rollarda isə Frensis Berqen, Metyu Feyzon və Ceyms Sikkinq çəkiliblər.