Bütün cəzalar birlikdə

Narkotik alveri və digər cinayətlərlə məşğul olan Antuan Qardela uzun müddətdir İnterpolun diqqət mərkəzindədir. Buna baxmayaraq, onun qüsursuz maliyyə əməliyyatları, kübar davranışları və gənc həyat yoldaşına sevgisi arxasında gizlənən qanunsuzluqları sübut etmək asan deyil. Bütün təhlükəli işləri isə kənardan cəlb edilmiş qatil və satqın polislər icra edir.

Müfəttiş Vadenin onun üçün real təhlükə yaratdığını anlayan Qardela bu inadkar rəqibini zərərsizləşdirməyə çalışır. O, müfəttişə gəlirli əməkdaşlıq və rüşvət təklif edir, cazibədar qadınla qəsdən görüş təşkil edir, hətta hədə-qorxuya əl atır. Lakin sınanmış bu fəndlər inadkar detektivin qarşısında gözlənilən nəticəni vermir.

Rejissor Mişel Devilin ekranlaşdırdığı «Toutes peines confondues» filmi 1992-ci ildə Fransada istehsal olunub. Əsas obrazları Jak Dütron, Benua Majimel, Bryus Mayers və Joel Barbut canlandırıblar.