Məktəb qarışıqlığı

İdealist düşüncələrə malik müəllim həyatını dəyişmək qərarına gələrək çətin yeniyetmələrin oxuduğu məktəbə işə düzəlir. Onun əsas məqsədi intizamsız və qanunsuzluğa meylli şagirdləri düzgün yola çəkmək, onlara fərqli bir gələcək bəxş etməkdir.

Lakin problemli məktəb divarları arasında onu gözlənilməz reallıq qarşılayır. Zaman keçdikcə müəllim dərk edir ki, əslində o uşaqlara deyil, küçə qanunları ilə yaşayan şagirdlər ona həyat dərsi keçməyə başlayıb.

1996-cı il istehsalı olan bu komediya filmi ABŞ-da rejissor Hart Bokner tərəfindən lentə alınıb. Baş rollarda Luiza Fletçer, Malinda Uilyams, Baoan Koulmen və Brayan Huks çəkiliblər.