Boğucular

1825-ci ildə Hindistanda polkovnikin qızı ilə ailə quran kapitan Uilyam Sevic qorxunc ayin qətlləri barədə məlumat alır. O, şübhəliləri həbs etsə də, polkovnik sübutların yetərsizliyi səbəbindən onların dərhal azadlığa buraxılmasını tələb edir.

Bu zaman təriqət üzvlərindən biri zabitlə əməkdaşlıq etməyə və vəhşi adətə son qoymağa razılıq verir. Sevic hindli cildinə girərək boğucular qrupuna qoşulur. O, lazımi dəlilləri toplamaq üçün qatillərlə birgə təhlükəli ovlara çıxır.

Real hadisələrə əsaslanan «The Deceivers» filmini rejissor Nikolas Meyer 1988-ci ildə çəkib. Böyük Britaniya və Hindistan istehsalı olan bu dramatik trillerdə baş rolları Raceş Vivek, Şaşi Kapur, Nina Qupta və Helena Miçell canlandırır.