Quduz köpəklər vaxtı

Lüks restoranın sahibi və eyni zamanda cinayətkar klanın rəhbəri Vik psixiatriya xəstəxanasından azadlığa çıxır. O olmadığı müddətdə bütün idarəçilik köhnə dostu və etibarlı adamı Mikki Hollideyə həvalə edilmişdi. Lakin Mikki fürsətdən istifadə edərək bossun sevgilisi Qreys və onun bacısı Rita ilə münasibət qurmuş, digər qanqsterlər isə nüfuz dairələrini bölüşdürməyə başlamışdılar.

Şəhərə qayıdan Vik itirilmiş nəzarəti tam şəkildə bərpa etmək fikrindədir. Çox keçmir ki, o, Mikkini öz yerinə göz dikdiyini anlayır və bu durum keçmiş rəhbərin heç xoşuna gəlmir. Şəriklər arasındakı qarşıdurma mafiya daxilində ciddi hesablaşmalara səbəb olur.

1996-cı il istehsalı olan «Quduz köpəklər vaxtı» (Mad Dog Time) kriminal komediyasının rejissoru Larri Bişopdur. ABŞ istehsalı ekran əsərində baş rolları Ceff Qoldblyum, Xuan Fernandes, Ellen Barkin və Kayl Makloklen canlandırıb.