Nyu-Yorkun kralı

Həbsdən çıxan kriminal avtoritet Frenk Uayt meqapolisdəki bütün narkotik ticarətini öz əlinə almağa qərar verir. O, yolunda dayanan hər kəsi məhv edəcəyini açıq şəkildə bildirir. Çox keçmədən şəhər küçələri milyard dollarlıq qara bazar uğrunda qanlı toqquşmalar meydanına çevrilir.

Uayt öz dəstəsi ilə birlikdə İtaliya, Kolumbiya və Çin cinayətkar qruplaşmalarının rəhbərlərini bir-bir sıradan çıxarır. «Plaza» hotelinin lüks nömrəsində qadın cangüdənlərin əhatəsində məskunlaşan Frenk özünü şəhərin yeni kralı elan edir. Cinayətkarlığın qarşısını adi yollarla ala bilməyən polis orqanları isə qanundankənar amansız mübarizəyə başlayır.

ABŞ və İtaliyanın birgə istehsalı olan «Nyu-Yorkun kralı» filmi 1989-cu ildə rejissor Abel Ferrara tərəfindən lentə alınıb. Bu triller janrlı ekran əsərində baş rolları Entoni Padilla, Maykl Hess, Alonna Şou və Piter Riçardson canlandırıb.