Hüquq qartalları

Uşaq yaşlarında Çelsi Dərdon rəssam atasının və onun rəsmlərinin yanğında məhv olmasına şahidlik edib. İyirmi il keçdikdən sonra gənc qadın incəsənət dilerindən atasının əsərini oğurlamağa cəhd etdiyinə görə həbs olunur. Çelsi digər rəsmlərin də salamat qaldığına inanır və varis olaraq onları geri qaytarmaq istəyir. Məhkəmədə ittihamı qətiyyətli dairə prokuroru Tom Loqon irəli sürür.

Qadın prokurorun evinə gələrək onun mərhəmətini qazanmağa çalışır və tərəflər arasında yaxınlıq yaranır. Lakin elə həmin gecə incəsənət dileri öldürülür və əsas şübhəli yenə Çelsi olur. Vəziyyətin dəyişdiyini görən Loqon vəkil Laura Kelli ilə birləşərək müttəhimin müdafiəsinə qalxır. Birgə araşdırma aparan hüquqşünaslar sənət aləminin gizlinlərini üzə çıxarır və aralarında romantik hisslər baş qaldırır.

«Legal Eagles» filmi 1986-cı ildə ABŞ-da rejissor Ayvan Raytman tərəfindən çəkilib. Kriminal, komediya və melodram janrlarını birləşdirən ekran əsərində Rudolf Uillriç, Aleks Nevil, Robert Benedetti və Stiven Hill rol alıblar.