Baazigar

İllər əvvəl Acay Şarmanın ailəsi böyük bir xəyanətlə üzləşir. Atasının şəriki Çapra rəsmi sənədləri saxtalaşdıraraq ailənin var-dövlətini ələ keçirir, bu haqsızlığa dözə bilməyən ata isə infarktdan dünyasını dəyişir. Yaşanan fəlakətdən sonra böyüyən gənc intiqam hissi ilə yaşayır.

«Baazigar» filmi Acayın günahkardan qisas almaq üçün qurduğu planı təqdim edir. Düşməninə yaxınlaşmaq məqsədilə o, Çapranın böyük qızı ilə görüşməyə başlayır. Gənc oğlan addım-addım ailənin içinə sızaraq düşündüyü planı həyata keçirməyə çalışır.

1993-cü il Hindistan istehsalı olan bu cinayət trillerinin rejissorları Abbas Alibhay Burmawalla və Mastan Alibhay Burmawalladır. Baş rolları Şahrux Xan, Kacol, Dalip Tahil və Rakhi Gülzar canlandırıblar.