Aftershock

Çilidə istirahət edən bir qrup səyyah əylənmək üçün yeraltı gecə klubuna yollanır. Lakin qəfil baş verən güclü zəlzələ musiqini və əyləncəni yarıda kəsir. Dağıntılar arasında qalan gənclər xilas olmaq üçün yuxarıya doğru yol axtarmağa məcbur olurlar.

Səthə çıxmağı bacaran qəhrəmanlar əsl fəlakətin küçələrdə başladığını görürlər. Dağılmış şəhərdə xaos hökm sürür və sağ qalmaq üçün onlar yeni təhlükələrlə üz-üzə qalırlar.

«Aftershock» triller filmi rejissor Nikolas Lopes tərəfindən çəkilib. ABŞ və Çilinin birgə istehsalı olan layihə 2012-ci ildə işıq üzü görüb, əsas rollarda isə Marsial Taqle, Edqardo Bruna, Dayana Amiqo və Patrisio Straxovski çəkiliblər.