Qırmızı məktublar günü

Sakit bir şəhərətrafı qəsəbənin sakinləri səhər tezdən poçt qutularında qırmızı zərflər tapırlar. Hər məktubun içində qonşulardan birinin fotosu və həmin adamı öldürmək tələbi yer alır. Mətndə həmçinin qeyd edilir ki, şəkildəki şəxs də eyni məzmunlu məktub və qarşı tərəfin fotosunu artıq əldə edib.

İki yeniyetmə böyüdən boşanmış ana bu xəbərdarlığı kiminsə axmaq zarafatı hesab edir. O, məsələni aydınlaşdırmaq və adi söhbət etmək üçün elə zərfdə şəkli çıxan rəfiqəsinin, yəni qonşusunun yanına yollanır. Lakin hər iki tərəfin əlində ölüm əmri olanda adi qonşuluq münasibətləri tamamilə dəyişir.

Kriminal və qara komediya elementlərinə malik triller janrlı «Red Letter Day» filmini rejissor Kameron MakQovan çəkib. 2019-cu il Kanada istehsalı olan layihədə Qreq Spilman, Luici Riskaldino, Tiffani Helm və Karen Rayan rol alıblar.