Amansız qatillər

Köhnə peşəsi muzdlu qatillik olan Sercio keçmişi geridə qoymaq məqsədilə özünə şəxsi bar açır. Barın idarəçiliyi ilə keçən bu yeni həyat tərzi onun daha çox xoşuna gəlir. Lakin kişinin qurduğu sakit və dinc günlər uzun çəkmir.

Günlərin birində onun məkanına Françesko və bacısı Roberta adlı iki yad insan gəlir. Onlar keçmiş qatildən təhlükəli cinayətkarlar sayılan Ventura qardaşlarını aradan götürməyi, yəni sonuncu bir tapşırığı yerinə yetirməyi xahiş edirlər. Beləliklə, Sercio yenidən əvvəlki təhlükəli qərarlarla üz-üzə qalır.

İtaliya istehsalı olan «Cattivo sangue» kriminal dram filmi 2022-ci ildə işıq üzü görüb. Ekran əsərinin quruluşçu rejissoru Simone Ebaradır. Əsas obrazları Rikkardo Kamilli, Klaudio Kamilli, Canluka Toççi və Simone Destrero canlandırıblar.