Venera

Klubda rəqqasə işləyən Lusiya oradan bütöv bir çanta narkotik oğurlamaq qərarına gəlir. Mühafizəçi ilə toqquşmada yaralanan qız böyük bacısı Rosionun mənzilinə sığınır. Həmin vaxt balaca qızı ilə yola düşməyə hazırlaşan Rosio planlarını təxirə salaraq bacısının yarasını sarıyır və onu gecələməyə saxlayır.

Səhəri gün ev sahibi qəfil və müəmmalı şəkildə yoxa çıxır. Lusiya bacısı qızına təkbaşına baxmalı olur. Qızın arxasınca düşən qəzəbli cinayətkarlardan əlavə, qaldıqları bu qəribə binanın divarları arasında onları daha qorxulu sirlər gözləyir.

İspaniya istehsalı olan «Venera» kriminal qorxu filmi 2022-ci ildə rejissor Jaume Balaqero tərəfindən çəkilib. Ekran əsərində rolları Marina Wideberg, Fernando Valdivyeso, Mariya Xose Sarrate və Federiko Aquado ifa ediblər.