Şərin qəhrəmanları

Xırda oğurluqlarla məşğul olan üç yeniyetmə keçmişdə gördükləri təhqirlərin əvəzini cəmiyyətdən çıxmaq üçün zorakılığa əl atmağa başlayır. Onların qəzəbi əvvəlcə məktəb yoldaşlarına, müəllimlərə və sadəcə narazı qaldıqları adamlara yönəlir.

Yoldaşlardan birinin fahişəni qətlə yetirdiyi və yeni qan tökmək həvəsinə düşdüyü üzə çıxanda hadisələr təhlükəli məcraya yönəlir. Hər kəsin növbəti qurban ola biləcəyi bir vaxtda digər iki gənc qatili dayandırmaq üçün yenidən zorakılıqdan istifadə etməyin vacibliyi barədə seçim qarşısında qalır.

2015-ci ildə çəkilmiş «Los héroes del mal» dramatik trillerinin rejissoru Zoe Berriatuadır. İspaniya istehsalı olan bu cinayət filmində əsas rolları Raul Saes, Beatris Olivares, Xorxe Martin Klemente və Makarena Qomes canlandırıb.